ယာဉ်တိုက်ခံရပြီး ဆုံးပါးသွားတဲ့ ကမာရွတ်စခန်းမှူးရဲ့ ဈာပန

ယာဉ်တိုက်မှုဖြစ်စဉ်ကို ရှင်းပေးရင်း ထပ်မံ ယာဉ်တိုက်ခံရကာ ဆုံးပါးသွားတဲ့ ကမာရွတ်စခန်းမှူးရဲ့ ဈာပနာကို ဒီကနေ့ သြဂုတ်၉ရက်မှာ ပြုလုပ်ခဲ့ပါတယ်။

ဒီကနေ့ နေ့လည်၁၂နာရီက ရေဝေးသုသာန်မှာ မီးသဂြိုဟ်ခဲ့တာဖြစ်ပါတယ်။ ကမာရွတ်မြို့နယ် စခန်းမှူး ဒုရဲမှူးစိုးအောင်ရဲ့ ဈာပနာကို ရန်ကုန်တိုင်းဒေသကြီး ရဲတပ်ဖွဲ့မှူးရုံး ရဲမှူးချုပ်ဝင်းနိုင်အပါဝင် ရန်ကုန်တိုင်းဒေသကြီးအတွင်းရှိ မြို့နယ်ရဲတပ်ဖွဲ့မှူးရုံးတွေက တပ်ဖွဲ့ဝင်တွေ လိုက်ပါပို့ဆောင်ခဲ့ကြတာဖြစ်ပါတယ်။

ဒုရဲမှူးစိုးအောင်ဟာ သြဂုတ်၇ရက်နေ့ မနက်နှစ်နာရီ ဝန်းကျင်က တက္ကသိုလ်ရိပ်သာလမ်းပေါ်မှာ ယာဉ်တိုက်မှုဖြစ်ပွားတဲ့ဖြစ်စဉ်ကို သွားရောက်ရှင်းပေးနေစဉ် အဲဒီ့နေရာမှာပဲ ယာဉ်တိုက်ခံရပြီး သေဆုံးသွားတာဖြစ်ပါတယ်။သေဆုံးသွားတဲ့ စခန်းမှူးက ကမာရွတ်မြို့နယ် ရဲတပ်ဖွဲ့မှူးရုံးမှာ တာဝန်ထမ်းဆောင်နေတာ လေးလဝန်းကျင်သာ ရှိသေးပြီး အသက်၅၁နှစ်ရှိပြီဖြစ်ပါတယ်။

ရုပ်သံသတင်းထောက် - အိမ့်မြတ်နိုးဇော်