Abşeron sakini qonşusunu güllələdi

Abşeron sakini güllələnib. APA TV-nin DİN-in saytına istinadən verdiyi məlumata görə, fevralın 2-də Abşeron rayonunun Saray qəsəbəsində yaşayan Kamran Babayev evinin qarşısından boyun və kürək nahiyəsindən aldığı güllə yaraları ilə xəstəxanaya gətirilib.

Abşeron Rayon Polis İdarəsi əməkdaşlarının həyata keçirdiyi əməliyyat-axtarış tədbirləri ilə xəsarətin ona qonşusu, həmyerlisi Qüdrət Kərimov tərəfindən “Makarov” markalı tapançadan iki dəfə atəş açılmaqla yetirilməsi müəyyən edilib. Xəstəxanaya yerləşdirilmiş K.Babayevin vəziyyəti ağır olduğundan, dindirilməsi mümkün olmayıb.

Faktla bağlı Abşeron RPİ tərəfindən əməliyyat-axtarış tədbirləri aparılır.