ساگر روئے لہریں شور مچائیں - تنویر نقوی

ساگر روئے لہریں شور مچائیں
یاد پیا کی آئے – نیناں بھر آئیں

لپٹ لپٹ کے لہریں گھومیں
بڑھ بڑھ کے ساحل کو چومیں
ہم دکھیارے تھام کے دل رہ جائیں
یاد پیا کی آئے – نیناں بھر آئیں
ساگر روئے ۔۔۔۔۔۔۔۔
جگ ہرجائی بھنورے آکے
کلی کلی کو پیار جتا کے
مست کے بنا کے دور کہیں اڑ جائیں
یاد پیا کی آئے نیناں بھر آئیں
ساگر روئے لہریں شور مچائیں

فلم (کوئل) ۔ گلوکارہ : میڈم نور جہاں
شاعری : تنویر نقوی -- موسیقار: خورشید انور