رم جھم رم جھم پڑے پھوار- تنویر نقوی - نور جہاں

رم جھم رم جھم پڑے پھوار
تیرا میرا نت کا پیار
چھن چھن باجیں من کے تار
تیرا میرا نت کا پیار

دور جہاں سپنوں کی پریاں پیار کی لوری گائیں
رنگ برنگی اس نگری میں آ جا گھوم کے آئیں
جائیں اڑ کر ہم اس پار
تیرا میرا نت کا پیار

گھن گھن کرتا چنچل بھنورا مستی میں لہرائے
تتلی ناچے بلبل چہکے کوئل شور مچائے
شور مچائے یہ ہر بار
تیرا میرا نت کا پیار

آئے میرے پاس تو ایسے دور کبھی نہ جائے
مرجھائیں نہ کھِل کے کلیاں ایسی بھی رُت آئے
آئے نہ پت جھڑ رہے بہار
تیرا میرا نت کا پیار

آ بچپن کے بچھڑے ساتھی، کیوں مجھ کو ترسائے
عمر گزاری، رو رو میں نے، کاہے دیر لگائے
سامنے آ جا پھر اک بار
تیرا میرا نت کا پیار

رم جھم رم جھم پڑے پھوار
تیرا میرا نت کا پیار
جھن جھن باجے دل کے تار
تیرا میرا نت کا پیار

فلم : کوئل
گائیک : نور جہاں ، علاءالدین
شاعری – تنویر نقوی