గుడ్​న్యూస్ - సాగర్ గేట్లు మళ్లీ ఎత్తారు, వెళ్లి చూసొద్దాం రండి!

Nagarjuna Sagar Project : నాగార్జున సాగర్ జలాశయానికి మరోసారి వరద ప్రవాహం కొనసాగుతోంది. దీంతో అధికారులు నాలుగు క్రస్ట్ గేట్లను ఎత్తి నీటిని దిగువకు విడుదల చేస్తున్నారు. 4 గేట్లు ఐదు అడుగుల మేర పైకి ఎత్తి స్పిల్​వే ద్వారా 32 వేల 4 వందల క్యూసెక్కుల నీటిని దిగువకు వదులుతున్నారు. నాగార్జున సాగర్ జలాశయానికి ఇన్​ఫ్లో 76 వేల 5వందల క్యూసెక్కులు వస్తుండడంతో, అంతే మొత్తంలో ఔట్​ఫ్లో 76 వేల 5 వందల క్యూసెక్కులు నీరు దిగువకు వెళుతోంది. నాగార్జున సాగర్ జలాశయం ప్రస్తుత నీటి మట్టం 590.00 అడుగుల కాగా, పూర్తి స్థాయి నీటి మట్టం కూడా 590.00 అడుగులుగా ఉంది.