హైదరాబాద్​ భవిష్యత్తుకు గ్యారంటీ ఇచ్చే హైడ్రా

CM Revanth on HYDRA : పేదలను ముందు పెట్టి హైడ్రా లక్ష్యాన్ని నీరుగార్చేందుకు భూమాఫియా ప్రయత్నిస్తోందని ఎన్ని అడ్డంకులు వచ్చినా ఆగేది లేదని ముఖ్యమంత్రి స్పష్టం చేశారు. ఒకప్పుడు లేక్‌ సిటీగా పేరు పొందిన హైదరాబాద్‌ ఫ్లడ్స్‌ సిటీగా దిగజారిపోవడానికి కారణం గత పదేళ్ల పాలకుల పాపమేనని సీఎం ధ్వజమెత్తారు. హైదరాబాద్‌ భవిష్యత్‌కు గ్యారంటీ ఇచ్చే హైడ్రాకు ప్రజలు సహకరించాలని కోరారు. సెప్టెంబరు 17ను ప్రజా పాలన దినోత్సవంగా జరపాలన్న నిర్ణయం నాలుగు కోట్ల ప్రజల ఆకాంక్షగా సీఎం రేవంత్ అభివర్ణించారు. నిజాం రాచరిక వ్యవస్థను కూలదోసి ప్రజాస్వామ్య ప్రస్థానానికి నాంది పలికిన రోజును రాజకీయ ప్రయోజన కోణంలో చూడటం అవివేకమన్నారు.