ബ്രാഡ്മാനെയും മറികടന്ന് മായങ്ക് അഗർവാൾ
ഇന്ത്യൻ ടീമിൽ അരങ്ങേറ്റം കുറിച്ച ശേഷം ഇന്ത്യൻ ഓപ്പണിങ് താരം മായങ്ക് അഗർവാളിന് പിന്നെ തിരിഞ്ഞു നോക്കേണ്ടിവന്നിട്ടില്ല. ടീമിൽ എത്തിയ ശേഷം വെറും 12 ഇന്നിങ്സുകളിൽ നിന്നും രണ്ട് ഇരട്ടസെഞ്ചുറികൾ സ്വന്തമാക്കിയിരിക്കുകയാണ് ഈ പുതിയ ഇന്ത്യൻ സെൻസേഷൻ. ഇതിനിടയിൽ ഇന്ത്യൻ താരം തകർത്ത റെക്കോഡുകളിൽ ഒന്ന് ലോകക്രിക്കറ്റിലെ ഏറ്റവും മികച്ച ബാറ്റ്സ്മാനായി കണക്കാക്കുന്ന സർ ഡൊണാൾഡ് ബ്രാഡ്മാന്റെ റെക്കോഡാണ്.