బాలయ్యతో చేయడం ఇష్టం లేక.. ఫోన్ స్విచాఫ్ పెట్టా..!

Tollywood actor Baahubali Prabhakar said he got an opportunity to play a villain role in Balakrishna's movie. 'But, I did not take the offer at that time as I was misled about Balakrishna', he stated. Prabhakar, who played the main villain role in Jai Simha, said that Balakrishna encourages artists to perform better.

టాలీవుడ్ నట సింహం బాలకృష్ణ గురించి తరచూ ఓ ఆరోపణ వినిపిస్తూ ఉంటుంది. ఆయనకు చాలా కోపం అని, సెట్స్‌లో అందరిపై అరుస్తూ ఉంటారని, ఆయనతో చేయడానికి దర్శకులు, నటులు భయపడతారని...ఇలా రకరకాల ప్రచారం ఉంది. ఈ ప్రచారం విని కొందరు దర్శకులు, నటులు కూడా బాలయ్యతో చేయడానికి భయపడిన సందర్బాలు ఉన్నాయి. ఇలా భయపడ్డవారంతా ఆయనతో పని చేసిన తర్వాత తమ తమ అభిప్రాయాలు పూర్తిగా మార్చుకున్నారు. తాజాగా బాహుబలి ఫేం ప్రభాకర్ బాలయ్య గురించి ఆసక్తికర విషయాలు చెప్పారు.
బాలకృష్ణ హీరోగా వచ్చిన ‘జై సింహ' చిత్రంలో మెయిన్ విలన్ పాత్ర పోషించిన ప్రభాకర్ బాలయ్య గురించి తన తాజా ఇంటర్వ్యూలో వెల్లడించారు. ‘జై సింహ' చిత్రంలో తనకు చాలా మంచి రోల్ వచ్చిందని, మర్యాద రామన్న, బాహుబలి తర్వాత తనకు వచ్చిన బెస్ట్ రోల్ ఇదే అని ప్రభాకర్ తెలిపారు.
బాలకృష్ణ గారితో చేసేపుడు ఏ సీన్లోనూ తనబడలేదని, ఎదుటివారు తడబడే విధంగా బాలకృష్ణ ప్రవర్తించరని, తన తోటి నటులను ఎంకరేజ్ చేస్తారని, చాలా ఫ్రెండ్లీగా ఉంటారని ప్రభాకర్ తెలిపారు.
మర్యాద రామన్న షూటింగ్ జరిగే సమయంలోనే దాసరిగారి డైరెక్షన్లో బాలయ్య చేస్తున్న ‘పరమ వీర చక్ర' సినిమాలో ఓ క్యారెక్టర్ చేయమని ఫోన్ వచ్చింది. అయితే అప్పటి నాకు బాలయ్య గురించి కొందరు చెప్పిన మాటలు విని ఆ సినిమాలో చేయడానికి భయ పడ్డాను, రిస్క్ ఎందుకని నా ఫోన్ స్విచాఫ్ పెట్టుకున్నానని ప్రభాకర్ తెలిపారు.