రంగుల నిలయంగా మజ్దా ఆర్ట్ ఫెస్టివల్ ఎగ్జిబిషన్​ షో

Mazda Art Festival Show : ఉదయపు సూర్యుడిదో రంగు అలికిన వాకిలిదో రంగో, సాయం సంధ్యన ఆకాశానిదో రంగు. కంటికి కనిపించే ప్రతిదీ రంగులమయమే. ఆ రంగులను ఓ చోట చేరుస్తూ కలలకు రూపం ఇస్తే కనిపించే ప్రతి దృశ్యం ఓ సుందర కావ్యమే. అలాంటి వర్ణరంజిత చిత్రాలకు వేదికైంది హైదరాబాద్​లోని స్టేట్ ఆర్ట్ గ్యాలరీ. మజ్దా ఆర్ట్ ఫెస్టివల్ పేరుతో మూడు రోజుల పండగ ఇక్కడ కనువిందు చేయనుంది. అందమైన చిత్రాలు, పెన్సిల్ ఆర్ట్​లు, ఆక్రిలిక్ పెయింట్స్, రియలిస్ట్, మోడర్న్ వంటి వివిధ రకాల కళారూపాలు అందంగా ఆకట్టుకోనున్నాయి. ఆసక్తి ఉన్న వారు సరికొత్త పెయింటింగ్ టెక్నిక్స్ నేర్చుకునేందుకు సైతం అవకాశం కల్పిస్తోంది మజ్దా ఆర్ట్ ఫెస్టివల్ 2024. ఆ విశేషాలు ఇప్పుడు చూద్దాం.