వైసిపి కి ఎంపి కొత్తపల్లి గీత వార్నింగ్

YCP issued show cause notice to the MP Kottapalli Geetha. In the show cause notice, the YCP why not take action on the MP for behavior during the no Confidance motion.

వైసిపి తిరుగుబాటు ఎంపి కొత్తపల్లి గీతపై ఆ పార్టీ వేటే వేసేందుకు రంగం సిద్దం చేస్తోందా?...అంటే అవుననేట్లుగానే ఉన్నాయి తాజా పరిణామాలు. క్రమశిక్షణ చర్యల క్రింద ఎంపి గీతపై వేటు వేయాలని వైకాపా పావులు కదుపుతున్నట్లు కనిపిస్తోంది. ఎలాగంటే?...
కేంద్రప్రభుత్వం పై వైసిపి అవిశ్వాస తీర్మానం ప్రవేశపెట్టిన సందర్భంగా ఎంపిలందరూ అందుకు కట్టుబడి ఉండాలంటూ ఈ నెల 20 తేదీన వైసీపీ చీఫ్‌ విప్‌ వైవీ సుబ్బారెడ్డి విప్ జారీ చేసిన సంగతి తెలిసిందే. వైసిపి తరపున గెలిచి ఆ తర్వాత పార్టీ ఫిరాయించిన ముగ్గురు ఎంపిలు కొత్తపల్లి గీత, ఎస్సీవై రెడ్డి, బుట్టా రేణుక లకు కూడా ఈ విప్ వర్తిస్తుందన్న సంగతీ తెలిసిందే. దీంతో ఆ ముగ్గురు కూడా ఈ విప్ అందుకున్నట్లు తెలిసింది. తదనంతరం ఆ రోజు సభలో ఎంపి కొత్తపల్లి గీత మినహా మిగతా ఇద్దరు ఎంపీలు విప్ కు అనుగుణంగానే వ్యవహరించగా ఎంపి గీత మాత్రం అందుకు భిన్నంగా ప్రవర్తించారట. అందుకే ఆమెకు వైసిపి షోకాజ్ నోటీసు జారీ చేస్తున్నట్లు అందులో పేర్కొన్నారు.
మార్చి 20 వైసిపి అవిశ్వాస తీర్మానం సందర్భంగా లోక్ సభలో స్పీకర్ ఆ అవిశ్వాస తీర్మానం చదివి వినిపిస్తున్నపుడు వైసిపి సభ్యులందరూ లేచి నిలబడ్డారు. అయితే, అరకు ఎంపి కొత్తపల్లి గీత మాత్రం నిలబడలేదట. అందుకే విప్ ఉల్లంఘించిదంటూ మీపై ఎందుకు చర్యలు తీసుకోకూడదో చెప్పాలంటూ ఎంపి గీతకు విప్ వైవి సుబ్బారెడ్డి ఎంపికి షో కాజ్ నోటీసు జారీ చేసినట్లు చెబుతున్నారు. వారం రోజుల్లోగా మీ వివరణ ఇవ్వాలంటూ ఆ షోకాజ్ నోటీసులో పేర్కొన్నారు.