தமிழுக்கு வந்த மலையாள இயக்குனர்கள்- வீடியோ

எண்பதுகளின் தமிழ்த் திரைப்படங்கள் நம் நினைவை விட்டு நீங்காத படைப்புகளாக இருக்கின்றன. பற்பல உள்ளடக்கங்களில் அப்படங்கள் வரலாறாகி நிற்கின்றன. அவற்றின் அருமைகளை இப்போது நாம் நன்கு உணர்கின்றோம். தமிழைப் போலவே மலையாளத்திலும் எண்பதுகளின் திரைப்படங்கள் தனிச்சிறப்புகளோடு இருந்தன. காலத்தால் அழியாத திரைப்படங்கள் அங்கே தோன்றின. தமிழோடு ஒப்பிடுகையில் பாதிக்கும் குறைவான சந்தை மதிப்புடையது மலையாளத் திரையுலகம். அதனால் அங்கே கதைவளத்தையே முதன்மையாகக் கொண்டனர். இலக்கியத் தரமான கதைகளையே மலையாளத்தில் படமாக்கினர். தமிழ், தெலுங்கு, இந்தித் திரைப்படங்கள் பெரும்பொருட்செலவில் உருவாக்கப்பட்டாலும் அவற்றோடு பலர்க்கு ஒவ்வாமையுண்டு. எளிமையான மலையாளத் திரைப்படங்களுக்கு இன்றுவரை உலகம் முழுக்கவே பார்வையாளர்கள் இருக்கின்றார்கள்.


Poet Magudeswaran's article on Malayalam film makers like Fasil notable works in Tamil cinema