ಈ ವಾರದ ಮಹಿಳಾ ಸಾಧಕಿ : ಆರತಿ ಹಿರೇಮಠ್, ಧಾರವಾಡ | Oneindia Kannada

Arati Hiremath, from Dharwad has been into kasuti embroidery since 1990. Kasuti was a languishing craft then. Starting small with only job orders and just 2 artisans, She has over the years not only developed kasuti as a craft , but also as an income generation source to many economically backward women. She is our woman achiever of the week.



ಸೂಕ್ಷ ಎಳೆಯ, ಚೆಂದ ಚೆಂದದ ಚಿತ್ತಾರದ ಕಸೂತಿ ಕಲೆಯನ್ನು ಬಟ್ಟೆಗಳ ಮೇಲೆ ನೋಡಿದರೆ ಅರಿವಿಲ್ಲದೆ 'ವ್ಹಾವ್' ಎಂಬ ಉದ್ಗಾರವೊಂದು ಹೊರಡುತ್ತದೆ. ನಮ್ಮ ಕಣ್ಣಿಗೆ ಹಬ್ಬ ಉಂಟಾಮಾಡುವ ಆ ಚೆಂದದ ಚಿತ್ತಾರವೇ ಹಲವರಿಗೆ ಬದುಕಿನ ಅನ್ನ ಕೊಡುತ್ತದೆ! ಹಲವರನ್ನು ಸ್ವಾವಲಂಬನೆಯ ದಿಕ್ಕಿನತ್ತ ಯಶಸ್ವಿಯಾಗಿ ಕೊಂಡೊಯ್ಯುತ್ತದೆ.ಇದೇ ಕಸೂತಿ ಕಲೆಯ ಮೂಲಕ ನೂರಾರು ಮಹಿಳೆಯರಿಗೆ ಸ್ವಾವಲಂಬನೆಯ ಹಾದಿ ತೋರಿಸಿಕೊಟ್ಟ ಧಾರವಾಡದ ಆರತಿ ಹಿರೇಮಠ್ ಅವರು ನಮ್ಮ ಈ ವಾರದ ಸಾಧಕಿ. 1990 ರಿಂದ ಕಸೂತಿಯನ್ನು ಕೇವಲ ಕಲೆಯನ್ನಾಗಿ ಮಾತ್ರವಲ್ಲದೆ, ನೂರಾರು ಬಡ ಮಹಿಳೆಯರ ಆದಾಯದ ಮೂಲವನ್ನಾಗಿ ಬದಲಿಸಿದ ಕೀರ್ತಿ ಆರತಿ ಅವರಿಗೆ ಸೇರುತ್ತದೆ.ಮಹಿಳಾ ಸ್ವಾವಲಂಬನೆಯ ಜೊತೆಯಲ್ಲೇ ಕರ್ನಾಟಕದ ಸಾಂಸ್ಕೃತಿಕ ಕಸೂತಿ ಕಲೆಯನ್ನೂ ಬೆಳೆಸುವ ಉದ್ದೇಶವನ್ನೂ ಹೊಂದಿರುವ ಅವರು ತಮ್ಮ ಕಸೂತಿ ಕಲೆಯಿಂದಾಗಿ ಹಲವರು ಬದುಕು ಕಂಡುಕೊಂಡ ಬಗೆಯನ್ನು ಒನ್ ಇಂಡಿಯಾದೊಂದಿಗೆ ಹಂಚಿಕೊಂಡಿದ್ದು ಹೀಗೆ..