ఏపీ టూరిజం ల్యాండ్ అలాట్‌మెంట్‌ పాలసీ

AP Tourism Land Allotment Policy : ఆంధ్రప్రదేశ్​లో పర్యాటక ప్రాజెక్టులను పరుగులు పెట్టించేలా ఏపీ టూరిజం ల్యాండ్ అలాట్‌మెంట్‌ పాలసీ 2024-2029ని సర్కార్ రూపొందించింది. రాష్ట్రంలో ఉన్న ప్రభుత్వ భూమిని పర్యాటక ప్రాజెక్టులు, అందుకు సంబంధించిన మౌలిక సదుపాయాల కల్పనకు వినియోగించేలా మార్గదర్శకాలు విడుదల చేసింది.ఏపీలో పర్యాటక వనరులైన సముద్ర తీరాలు, అటవీప్రాంతం, కాలువలు, నదీతీరాలు, కొండ ప్రాంతాలు, ప్రసిద్ధిగాంచిన దేవాలయాలు, పురాతనమైన కట్టడాలు, సహజ సిద్ధంగా ఏర్పడిన ప్రకృతి వింతలున్న ప్రాంతాలు ఇలా వేర్వేరు చోట్ల విభిన్నమైన పర్యాటక ప్రాజెక్టులు పీపీపీ విధానంలో తీసుకొచ్చేలా కార్యాచరణ సిద్ధం చేసింది.