వారానికి 2 రోజులు 'మంత్రులతో ప్రజల ముఖాముఖి'

Ministers Meet with People : తెలంగాణ కాంగ్రెస్‌ సరికొత్త సంప్రదాయానికి నాంది పలుకుతోంది. ఈ నెల 25 నుంచి గాంధీభవన్​లో 'మంత్రులతో ప్రజల ముఖాముఖి' కార్యక్రమం ప్రారంభం కానుంది. వారంలో రెండు రోజులు బుధ, శుక్రవారాల్లో మూడు గంటల పాటు గాంధీభవన్‌లో మంత్రులు అందుబాటులో ఉండేటట్లు పీసీసీ కార్యాచరణ సిద్ధం చేసింది. కొత్తగా నియమితులైన పీసీసీ అధ్యక్షులు మహేశ్​ కుమార్‌ గౌడ్‌ ప్రభుత్వానికి, పార్టీకి మధ్య అనుసంధానంగా వ్యవహరిస్తూ కాంగ్రెస్‌ను బలోపేతం చేసే దిశలో ముందుకు వెళ్లాలని యోచిస్తున్నారు.