କୁମ୍ଭକର୍ଣ୍ଣ ନିଦରେ ପ୍ରଶାସନ ,ବିନାଲାଞ୍ଚରେ ମିଳୁନି ସରକାରୀ ସହାୟତା !

କୁମ୍ଭକର୍ଣ୍ଣ ନିଦରେ ପ୍ରଶାସନ ,ବିନାଲାଞ୍ଚରେ ମିଳୁନି ସରକାରୀ ସହାୟତା !

କଟକ:04/01/2021(ରିପୋର୍ଟ : ଅକ୍ଷୟ କୁମାର ସିଂହ): କଟକ ଜିଲ୍ଲା ନିଶ୍ଚିନ୍ତକୋଇଲି ବ୍ଲକ ଅନ୍ତର୍ଗତ ଓରତି ଗ୍ରାମପଞ୍ଚୟତ କୃଷ୍ଣଦାଶପୁରଠାରେ ଦେଖିବାକୁ ମିଳିଛି ଏପରି ନିନ୍ଦନୀୟ ଘଟଣା | ଏହି ଗ୍ରାମରେ ଗୋଟିଏ ଚାଳଘରେ ନିର ମଳିକ ନାମକ ଜଣେ 63 ବୟସ୍କ ବୃଦ୍ଧା ନିଜର ପୁଅ ବାବାଜୀ ଚରଣ ମଳିକ 32 ବର୍ଷ ଓ ବୋହୁ ଲତା ମଳିକ 28 ବର୍ଷ ଦୁଇ ନାତି,ନାତୁଣୀଙ୍କୁ ନେଇ ରହି ଆସୁଛନ୍ତି | ପୁଅ ବାବାଜୀ ଦିନ ମଜୁରୀଆ ଭାବରେ କାମକରି ନିଜର ପରିବାରକୁ ଦୁଃଖ କଷ୍ଟେ ଚଳାଇ ଆସୁଥିଲାବେଳେ କୋରନା ମହାମାରୀର ଲକଡାଉନ , ସର୍ଟଡାଉନରେ ସମ୍ପୂର୍ଣ ରୂପେ ଘରେ ହାତ ବାନ୍ଧି ବସିଛନ୍ତି |

ଗୋଟିଏ ଚାଳଘରେ ବୃଦ୍ଧା ମାଆ ଓ ଛୋଟଛୋଟ ପିଲାମାନଙ୍କୁ ନେଇ ଶୀତ, କାକର ,ବର୍ଷା,ଖରା ଖାଇ ଜୀବନ କାଟିବା ଯେ କେତେ କଷ୍ଟ ଥରେ ନିଜେ ଅନୁଭବ ନକଲେ କେହି
ବିଶ୍ୱାସ କରିପାରିବେନି | ବାବାଜୀ ସରକାରଙ୍କୁ ଘରଟିଏ ପାଇଁ ଅନେକ ଥର ଅନୁରୋଧ କରିଥିଲେ ମଧ୍ୟ ସରକାରୀ ବାବୁମାନଙ୍କ ଆଖିରେ ପଡିପାରୁନି ବାବାଜୀଙ୍କ ଦୁଃଖ |

ଏଭିତରେ କେତେବେଳେ ସରକାରୀ ବାବୁମାନେ ବାବାଜୀଙ୍କୁ ଲାଞ୍ଚ ମାଗୁଛନ୍ତି ତ କେତେବେଳେ ବାବାଜୀ ମନ୍ତ୍ରୀଙ୍କ ନିକଟକୁ ନେଇଥିବା ଅଭିଯୋଗପତ୍ରକୁ ଚିରିକି ନଷ୍ଟ କରିଦେଉଛନ୍ତି | ଏ ସବୁକଥା ଆମେ କହୁନୁ ,ବାବାଜୀଙ୍କ ପରିବାର ଲୋକେ ସିଧାସଳଖ ଆମ ପ୍ରତିନିଧିଙ୍କ ଆଗରେ ଅଭିଯୋଗ କରିଛନ୍ତି |