ပေါင်းတည်မြို့ ကျေးရွာအုပ်စု ၈ စု ရေနစ်မြုပ်နေ (ရုပ်/သံ)

ဧရာဝတီ ၊ စက်တင်ဘာ ၂၊ ၂၀၁၉

ပဲခူးတိုင်း ပြည်ခရိုင် ပေါင်းတည်မြို့နယ် ဝဲကြီးဆည်၏ ရေထုတ်လက်ဝဲမြောင်း တာဘောင် ၁၅ပေခန့် ကျိုးပေါက်သွားသဖြင့် ပေါင်းတည်မြို့ပေါ် ရပ်ကွက်တချို့နှင့် ကျေးရွာ အုပ်စု ၈စု ရေနစ်မြုပ်နေသည်။

ယင်းကျေးရွာအုပ်စုများမှာ ပန်းသင်းပင်၊ မဲခေါင်းရွာ၊ ခြောက်လုံးပြူး၊ ကျွန်းတောလှ၊ ရှားပေါင်း၊ ကုန်းသာနှင့် အင်တိုင်းဇင်းကျေးရွာအုပ်စု အပါအဝင် ကျေးရွာအုပ်စု ၈ စုနှင့် ပေါင်တည်လည်မြို့ပေါ်ရှိ ရပ်ကွက်တချို့နှင့် ရန်ကုန်-ပြည်လမ်းမ တလျှောက်၂ ဖာလုံခန့်ရေနစ်မြုပ်နေပြီး ဒေသခံများ အကူအညီလိုအပ်နေကြောင်း သိရသည်။

ပေါင်းတည်မြို့နယ်အတွင်း ရေနစ်မြုပ်မှုများကြုံတွေ့နေရသည့် ရပ်ကွက်များနှင့် ကျေးရွာများရှိ အစိုးရကျောင်း ၈ ကျောင်း ယာယီပိတ်ထားရပြီး၊ မြို့နယ်ပြည့်သူဆေးရုံရှိ လူနာများကိုလည်း ရေလွတ်ရာနေရာများသို့ ပြောင်းရွှေ့ထားရကြောင်း သိရသည်။

ရိုက်ကူး-ကောင်းမြတ်မင်း

တည်းဖြတ်- ကျော်မျိုး