Report TV - Grabitja e pronave, Task-Forca nis verifikimet në terren nga Vlora

Task Forca për pronat nis verifikimet në terren. Një ditë pas vizitës së dy ministrave Etilda Gjonaj dhe Fatmir Xhafaj dhe ambasadores së BE, Romana Vlahutin në Vlorë, Task Forca nis verifikimet në këtë qark. Qarku i Vlorës është qarku më i prekur nga abuzimet me pronat.

Nga burimet lokale mësohet se Task-Forca do të ketë takime në Prefekturë, ZVRPP dhe Avokaturën e Shtetit. Një ditë më parë nga Vlora, ambasadorja e BE, Romana Vlahutin u shpreh se pas reformës në drejtësi, detyrë e politikës shqiptare është reforma e pronës. Sipas saj, prona private është një e drejtë themelore dhe si e tillë është e panegociueshme për BE,

?E nisëm nga Vlora takimin për pronat për shkak të problematikës që pikërisht Vlora mbart. Ky udhëtim është fakt mbledhës, ndërsa në fokus janë dëgjesat me qytetarët. Prona privat është një e drejtë themelore dhe si e tillë është e panegociueshme për BE, ndërsa gjatë 27 viteve është krijuar një kaos me pronat teksa pronarë të trojeve 300 vjeçare ende nuk mund të regjistrojnë dot pronat e tyre. Njerëzit kanë pritur gjatë ndaj ka ardhur koha që ky problem të gjejë zgjidhje?.

Romana Vlahutin, ambasadore e BE