::: 7 Day Heroes အပိုင်း (၃) ::: ပညာရှင်ပီသသော ဒေါက်တာထွန်းလွင်

ကမ္ဘာပေါ်မှာ ရာသီဥတုဖောက်ပြန်မှု ဒုတိယ အဆိုးဆုံးခံရတဲ့ နိုင်ငံမှာ ဒေါက်တာထွန်းလွင် ရှိနေတာက ကံကောင်းမှုတစ်ခု ဖြစ်ပါတယ်။ ရာသီဥတုနဲ့ မိုးလေဝသ သတင်းတွေ၊ သဘာဝ ဘေးအန္တာရာယ်နဲ့ ပက်သက်တဲ့ သတင်းတွေ၊ သတိပေးချက်တွေကို ဘယ်သူမှ မခိုင်းရဘဲ ပညာရှင်ပီသစွာ အမြဲထုတ်ပြန်ပေးနေသူ ဖြစ်ပါတယ်။ မိုးလေဝသနှင့်ဇလဗေဒ ညွှန်ကြားမှုဦးစီးဌာန ညွှန်ကြားရေးမှုးချုပ် တာဝန်က အငြိမ်းစားယူခဲ့ပေမယ့် မိုးလေဝသနဲ့ သဘာဘေး အန္တရာယ်သတင်းတွေကို သူ့ရဲ့ ဖေ့ဘွတ်စာမျက်နှာနဲ့ မီဒီယာတွေကတစ်ဆင့် ပညာပေးတာတွေ သတိပေးတာတွေ အမြဲမပြတ် ပြုလုပ်ခဲ့တာပါ။

မုန်တိုင်း၊ ရေဘေးလို သဘာဝဘေးအန္တရာယ်တစ်ခု ကျရောက်ပြီဆိုရင် မအိပ်မနေ သတိပေးချက်တွေကို သူ့ရဲ့ ဖေ့ဘွတ်စာမျက်နှာနဲ့ မီဒီယာတွေက တစ်ဆင့် အချိန်နဲ့ တပြေးညီ ထုတ်ပြန်ပေးလေ့ရှိသူ တစ်ယောက်လည်း ဖြစ်ပါတယ်။ ဒါကြောင့် ပြည်သူတွေက မိုး၊ဇလ ဌာနထက်တောင် ဒေါက်တာထွန်းလွင်အပေါ် ပိုပြီး ယုံကြည်အားကိုးကြပါတယ်။

ဒီလိုဖြစ်ရပ်တွေကြောင့်ပဲ အရင်နှစ်တွေ ကတည်းက 7Day Hero ဆန်ခါတင်စာရင်းမှာ မကြာခဏ ပါဝင်လေ့ရှိခဲ့တဲ့ ပညာရှင်တစ်ယောက်ပါ။ ၂၀၁၆ ခုနှစ်မှာ သမိုင်းတစ်လျှောက် အပြင်းထန်ဆုံးဖြစ်ခဲ့တဲ့ အယ်လ်နီညို၊ မကြုံဖူးလောက်အောင် ဒုက္ခပေးခဲ့တဲ့ မိုးသီးတွေ၊ နှစ်စဉ်နီးပါးကြုံတွေ့နေရတဲ့ ရေဘေးနဲ့ ကြံ့ ဆိုင်ကလုန်းမုန်တိုင်းတွေနဲ့ အတွက် ကြိုတင်ပြီး တိတိကျကျ သတိပေးနိုင်ခဲ့ပါတယ်။

ကြံ့ ဆိုင်ကလုန်းမုန်တိုင်းမှာ မုန်တိုင်းလမ်းကြော်င်းကို လေး ငါးရက်စောပြီး မှန်ကန်အောင် ခန့်မှန်းနိုင်ခဲ့ပါတယ်။ ဒါကြောင့် ၂၀၁၆ ခုနှစ်အတွင်းမှာ စွမ်းဆောင်ချက်တွေ အတွက် မိုးလေဝသ ပညာရှင် ဒေါက်တာထွန်းလွင်ကို 7Day Hero ဆု ရွေးချယ် ချီးမြှင့်လိုက်ပါတယ်။

7Day News သူရဲကောင်းဆု (7Day News Hero)

သာမန်ပြည်သူများထဲမှ မိမိကျရာကဏ္ဍက ကိုယ်ကျိုးမဖက်ဘဲ တာဝန်သိသိ၊ သတ္တိရှိရှိ အများပြည်သူ အကျိုး အတွက် အနစ်နာခံ စွမ်းဆောင်ခဲ့ကြသော တာဝန်ကျေတဲ့ ပုဂ္ဂိုလ်တွေကို ၂၀၁၁ ခုနှစ်က စတင်ရွေးချယ်ပြီး 7Day သူရဲကောင်းဆု (7Day News Hero) အဖြစ် ရွေးချယ်ချီးမြှင့်ခဲ့ပါတယ်။

သူရဲကောင်းဆုတွေကို 7Day Newsက နယ်ပယ်ပေါင်းစုံကို ဖြန့်ကြက်ပြီး ရွေးချယ်ချီးမြှင့်ခဲ့တာ ဖြစ်ပါတယ်။ ဆုပေးရခြင်းရဲ့ အဓိက ရည်ရွယ်ချက်ကတော့ ဘက်ပေါင်းစုံမှာ နိမ့်ကျနေတဲ့ မြန်မာနိုင်ငံမှာ သူရဲကောင်းစိတ်ဓာတ် ပိုင်ရှင်တွေ ထပ်မံတိုးပွားလာရေး အတွက် ဖြစ်ပါတယ်။ အဲဒီဆုကို 7Day News က နှစ်စဉ်ရွေးချယ်ချီးမြှင့်မှာ ဖြစ်ပါတယ်။