الطمبور .. ( حكايةالمقالة ) ... El Sheikh EMAM

كلمات أحمد فؤاد نجم
*****
زهر الجناين طرح و العطر مش واحد
نع أن أصل الشجر طالع في غيط واحد
و الحب لما انبذر مسقي بماء واحد
عجبي على فرعين كان أصلهم واحد
واحد غرس في الطين و الليسرح واحد
و الورد لما أنقطف يا رب يا واحد
ريحت فيه ألوفات
و اللي تعب واحد

بسيطه قوي قوي
روايه المقاله
مليحه قوى قوى
للى ما نايمشى
طويله قوى قوى
حكايه الرساله
قريبه قوى قوى
وانت ماعالمشى
مد الخطوة وامشى
تلقى الصعب فات
غير الله ما دامشى
وكل حى مات
وان كنت ناصح وفهمت المقاله
فهمها يابنى للى ما فاهمشى
بسيطه
كيف الدنيا لف ودور ياطنبور
هم شويه خلى الميه تغطى البور

معدودة الخطاوي
رايحه ولا جايه
ما يهمكش خوفك
ع الدنيا الدينه
قول الكلمه عالي
بالصوت البلالى
قول ان العداله
دين الانسانيه
كامش ليه وخايف
فرج الشفايف
هو العمر واحد
ولا العمر ميه ؟
وان كنت ناصح وفهمت المجاله
فهمها يا بنيى للى ما فاهمشي
بسيطه
كيف الدنيا لف ودور يا طنبور
هم شويه خلى الميه تغطى البور

المولى خالقنا بالعدل وناشينا
طل ف خلقه
تلقاة بالعقل مساوينا
ومنور طريقنا من فضله وهادينا
بالنور اللى طالل من غرة نبينا
جن الليل غوانا
ومشينا فى عمانا
ونسينا شارعنا
وتهنا فى المدينة
وان كنت ناصح وفهمت المفاله
فهمها يا بنى للى ما فاهمشى
بسيطه
كيف الدنيا لف ودور ياطنبور
هم شويه خلى الميه تغطى البور

يا مودر شبابك
بسنين العذاب
بين وهم الامانى
والصبر اللى شاب
صبرك ع المساوي
بيزيد البلاوي
وتبقى انت المصيبه
وتبقى انت المصاب
يا ويلك بصبرك
ع الظالم وظلمه
فى الدنيا وياويلك
من يوم الحساب
وان كنت ناصح وفهمت المقاله
فهمها يا بنى للى ما فا همشي
بسيطه
كيف الدنيا لف ودور ياطنبور
هم شويه خلى الميه تغطى البور