فاليري جيسكار ديستان ... El Sheikh EMAM

فاليري جيسكار ديستان
والست بتاعه كمان
حيجيب الديب من ديله
ويشبع كل جعان

يا سلاملم يا جدعان
ع الناس الجنتلمان
داحنا حنتمنجه واصل
وحتبقى العيشه جنان
التليفزيون حيلون
والجمعيات تتكون
والعربيات حتمون
بدل البنزين بارفان

وحتحصل نهضه عظيمه
وحتبقى علينا القيمه
في المرسح او في السينما
او ف جنينة الحيوان
وحتبقى الاشيا زلابيه
ولاحوجه لسوريا وليبيا
وحنعمل وحده أرابيا
مع لندن والفاتيكان

والفقرا حياكلوا بطاطا
وحيمشوا بكل ألاطه
وبدال مايسموا شلاطه
حيسموا عيالهم جان
ودا بفضل صديكي
ديستان الرومانتيكي
ولا حدش فيكو شريكي
في المسكن والسكان