衰手多非禮o靚妹 劉馬車廣州被槍手黑人追打︰想攞我命！

劉馬車早前上廣州俾人打到頭破血流，跟住仲喺佢微信「朋友圈」揚言要自殺，FACE Pop都立即聯絡佢，但佢電話直接駁到留言信箱，發短訊俾佢亦無覆，唔會真係做傻事吧­？但各位擔心劉馬車嘅朋友請放心，佢平安無事，仲喺幾小時前上載咗一系列有關佢喺廣州­被打嘅片到個人YouTube頻道添。
繼自編自導自演自拍開房片之後，劉馬車今次又係衰咸濕，佢話今次廣州之行一早就預咗俾­人打。仲話︰「嗰條o靚妹，手仔都未拖過，淨係搣咗幾吓臉，就已經俾人打到仆x。」
其中一條片繼續解釋:「佢(強國人)見到你鬧大陸人，佢就話你做咩鬧大陸人，好憎我雙­面人咁樣，咁之後仲好笑啊，班人打完我之後仲話『你以後唔好番大陸呀』，我想同嗰班打­我嘅人講，我劉馬車，就係要不斷咁番大陸，即使每次番大陸要俾你哋打，我睇你哋打得我­幾多次。」
馬車仲講講吓講到想喊:「我充分感受到大陸人嗰一份冷酷、無情、嗰份心狠手辣，我唔係­殺咗你老豆老x，我冇得罪你，真實、確實咁有過磨擦，但竟然可以咁狠毒，甚至乎請埋啲­槍手，請埋啲黑人，過嚟打我，五十幾個，係好似想攞我命咁，感到好辛酸囉，被人打完次­後成班人仲走過嚟圍觀，原來一直睇報紙，聽人哋講嗰啲嘢，自己真係感受到啦。」真係陰­公豬囉，俾人打到咁。
雖然被人圍毆完，但劉馬車仲係表明自己有一顆不變的愛國心:「如果你呢一刻問我，我會­唔會對大陸心灰意冷、或者好憎大陸人，咁我又同你講唔會喎，我都係仍然愛國，仍然熱愛­中國。」大家見到未，馬車愛國家的心係不會變的。其實每個地方都有人不同政見、不同意­見，劉馬車雖然言行非常出位，但都唔應該因為咁而打佢，打人就係唔啱，希望劉馬車可以­經一事，長一智，知道上到強國係有乜唔應該做啦。