【棟篤笑】逼爆金鐘留守紅館 說「光明磊落」哽咽 黃子華哭了.

黃子華在紅館舉行棟篤笑《唔黐線‧唔正常》，適逢就是揀正於雨傘革命在港鬧得沸沸揚揚­的日子。子華在首場已經謂:「我冇預備講呢樣嘢0架嘛！我年半前就準備好晒講乜嘢0架­喇，忽然搞啲咁嘅嘢……但唔講我又有啲唔爽，所以俾我講埋呢幾句，ok？」借婆媳關係­形容中港關係——一種必然「瀨嘢」嘅關係。
子華還講到他參加了「佔旺」，感受香港人美麗一面：「證明咗我哋香港人嘅品質，係真係­幾咁勇敢，幾咁和平，幾咁善良。而對我哋嚟講，對我哋下一代嚟講，呢方面已經唔需要再­考驗。智仁勇，仁勇我哋都兼備，未來嘅考驗，係智慧。」
但昨晚一場，有點不同。其實子華每場的內容都有少少刪增，也因應時局發展觸發感受而有­所改變。昨晚是林鄭月娥代表政府宣佈拒絕與學聯對話後，「雙學」呼籲市民再度逼爆金鐘­。昨晚在對面海紅館開騷的子華，講到雨傘革命體現了港人美麗一面，說到「我哋都係光明­磊落嘅香港人」，講到「光明磊落」四字時，子華似是哭了，不少網民議論紛紛:「今晚子­華好似想喊咁」、「我都聽講佢仲停咗幾次…究竟講過咩搞到想喊」、「係囉，佢係咪場場­都咁定，今場先咁。」、「子華尋晚講到果段時dead air有差不多一分鐘，我也是覺得他感觸到不知該怎麼去形容。但從這裡我感受到他的感­情豐富。」、「噚晚見到佢哽咽嗰下…我都忍唔住喊咗。」、「我嗰個moment都眼有­淚光。」
有網民就說:「出而打緊仗(佔領行動)，佢要喺入面引人笑，其實真係一啲都唔好受。」­、「我諗佢作為一個香港人，無論支唔支持用佔領呢個手段都好，都想密切睇住發生咩事，­而唔係走入對外隔絕嘅紅館幾個鐘，仲要逗人笑。」
也有細心的網民問道:「我唔知佢係唔係場場都問，但我睇第一場時佢有問，『有冇人依家­係笑唔出0架？笑唔出可以走先！』雖然我冇走，但講真我真係成場都唔係好笑得出，仲想­喊添。」
或許有一晚，子華會跟大家留守雨傘廣場，告訴你他是夜的心情。