網民激讚2015 MAMA頒獎禮表現 封胸蔡依林生擒BIGBANG：志龍好可愛

2015 MAMA頒獎禮圓滿結束，全晚最大爆點除咗係2NE1睽違一年合體現身、發哥火併PS­Y大跳馬舞外，台灣天后蔡依林(Jolin)以超低胸爆乳造型霸氣現身、獻唱大熱作品­《Play我呸》嘅片段今日亦喺網上瘋傳，中港台網民大讚佢驚艷全場。
一向鍾意將台灣藝人歸納為「自己人」嘅強國網友見Jolin表現精彩，即時喺微博抽到­水都乾：「今年中國代表是蔡依林！」、「看了蔡依林，發現中國舞曲完全不輸韓國」、「­為國爭光」等等，搞到一班台灣鄉民（即係港人口中嘅「巴絲」）嬲嬲豬，罵戰一觸即發。
好彩Jolin未有被是非影響心情，今日下午，佢就po出喺MAMA after party同G-Dragon、T.O.P嘅合照，仲大讚：「志龍也好可愛啊！」其實­萬人迷GD曾經開到聲想同Jolin合作，而BIGBANG所屬公司YG Entertainment嘅社長楊賢碩亦試過喺ig漏口風，指二人有機會嚟個世紀c­rossover。兩位都係獨當一面嘅歌手，相信大家一定好期待！