Afkar Alvi Urdu Poetry Poem Murshid | Murshid please aaj mujy waqt dijiay by Urdu Shayari

کلامِ شاعر بہ زبانِ شاعر کے ساتھ عارش خان حاضر ہے
آج ڈیلی موشن چینل اردو شاعری میں شاعر افکار علوی کی شہرہ آفاق نظم مرشد پیش کی گئی ہے


مرشد! پلیز، آج مجھے وقت دیجیے

مرشد میں آج آپ کو دکھڑے سناؤں گا
مرشد ہمارے ساتھ بڑا ظلم ہو گیا

مرشد ہمارے دیس میں اک جنگ چھڑ گئی
مرشد سبھی شریف شرافت سے مر گئے

مرشد ہمارے ذہن گرفتار ہو گئے
مرشد ہماری سوچ بھی بازاری ہو گئی

مرشد ہماری فوج کیا لڑتی حریف سے
مرشد اسے تو ہم سے ہی فرصت نہیں ملی

مرشد بہت سے مار کے ہم خود بھی مر گئے
مرشد ہمیں زرہ نہیں تلوار دی گئی

مرشد ہماری ذات پہ بہتان چڑھ گئے
مرشد ہماری ذات پلندوں میں دب گئ

مرشد خدا کی ذات پہ اندھا یقین تھا
افسوس اب یقین بھی اندھا نہیں رہا

مرشد ہمارا کوئی نہیں، ایک آپ ہیں
یہ میں بھی جانتا ہوں کہ اچھا نہیں ہوا

مرشد! میں جل رہا ہوں، ہوائیں نہ دیجیے
مرشد! ازالہ کیجے، دعائیں نہ دیجیے

۔ ۔ ۔ ۔

مرشد خموش رہ کے پریشاں نہ کیجیے
مرشد میں رونا روتے ہوئے اندھا ہو گیا
اور آپ ہیں کہ آپ کو احساس تک نہیں

مرشد وہاں یزیدیت آگے نکل گئی
اور پارسا نماز کے پیچھے پڑے رہے

مرشد کسی کے ہاتھ میں سب کچھ تو ہے، مگر
مرشد کسی کے ہاتھ میں کچھ بھی نہیں رہا

مرشد میں لڑ نہیں سکا پر چیختا رہا
خموش رہ کے ظلم کا حامی نہیں بنا

یہ کس نے کھیل کھیل میں سب کچھ الٹ دیا
مرشد یہ کیا کہ مر کے ہمیں زندگی ملے

مرشد! ہمارے ورثے میں کچھ بھی نہیں، سو ہم
بے موسمی وفات کا دکھ چھوڑ جائیں گے

مرشد کسی کی ذات سے کوئی گلہ نہیں
اپنا نصیب اپنی خرابی سے مر گیا

مرشد وہ جس کے ہاتھ میں ہر ایک چیز ہے
شاید ہمارے ساتھ وہی ہاتھ کر گیا

۔ ۔ ۔ ۔

مرشد! دعائیں چھوڑ، ترا پول کھل گیا
تو بھی مری طرح ہے، ترے بس میں کچھ نہیں

انسان میرا درد سمجھ سکتے ہی نہیں
میں اپنے سارے زخم خدا کو دکھاؤں گا

اے ربِ کائنات! ادھر دیکھ، میں فقیر
جو تیری سر پرستی میں برباد ہو گیا

پروردگار! بول، کہاں جائیں تیرے لوگ
تجھ تک پہنچنے کو بھی وسیلہ ضروری ہے

پروردگار! آوے کا آوا بگڑ گیا
یہ کس کو تیرے دین کے ٹھیکے دیے گئے

پروردگار! ظلم پہ پرچم نِگوں کیا
ہر سانحے پہ صرف ترانے لکھے گئے

ہر شخص اپنے باپ کے فرقے میں بند ہے
پروردگار! تیرے صحیفے نہیں کھلے

کچھ اور بھیج! تیرے گزشتہ صحیفوں سے
مقصد ہی حل ہوئے ہیں، مسائل نہیں ہوئے

جو ہو گیا سو ہو گیا، اب مختیاری چھین
پرودگار! اپنے خلیفے کو رسی ڈال

جو تیرے پاس وقت سے پہلے پہنچ گئے
پروردگار! ان کے مسائل کا حل نکال

پروردگار! صرف بنا دینا کافی نئیں
تخلیق کر کے بھیج تو پھر دیکھ بھال کر

ہم لوگ تیری کن کا بھرم رکھنے آئے ہیں
پروردگار! یار، ہمارا خیال کر

افکار علوی

AFkar ALvi

Poetry by : Afkar Alvi
--------------------------------
Edit by : Arish Khan
-------------------------------
Label : Urdu Shayari

Hi
I am Arish khan. Welcome to our dailymotion channel Urdu Shayari.

About this video-

Dosto Aj ki is video mein apko afkar alvi ki shohra afaaq nazm murshid bazarya Urdu Shayari pesh ki gai hai
Ummeed hai apko video pasand aay gi Thank you so much.

#afkaralvimurshid
#murshid
#murshidpleaseaajmujywaqtdijiay
murshidplzaajmujywaqtdijiay
#kalameshairbazubaneshairi
#andaazebayaanaur
#aapkishairi
#shairiadda
#famousghazal
#ghazal4you
#trendingpoetry
#famousshairi
#pakistanishairi
#urdughazal
#urdupoetry
#afkaralvi'spoetrymurshid
#afkaralvi'spoemmurshid
#afkaralvispoetrymurshid
#afkaralvispoemmurshid
#urdushayari