CAUCASUS KARTVELI

ხევსურეთს ! ! !

კიდევაც ვნახავ ხევსურეთს,
კიდეც ვილოცებ გუდანს;
მთაში დარჩენილ ხევსურებს,
არდავიწყება უნდა!
ასა, არღუნი, ანდაქი;
პირიქითაი ხევები;
უნდა მივხედოთ, ანდა კი
მას წაგვართმევენ დევები.
ღმერთო მაჰხედე ხევსურეთს,
საკლავებ იკლას ხატობას;
არ მახკლდებოდეთ ხევსურებს,
ჯიხვის რქა, ლუდი, დათრობა;
სანეს იღრეონ ვაჟებმა,
ათენგენას სცენ თაყვანი;
ხმალ ატრიალოს მაჯებმა,
მტერს არ ვეგონოთ ჯაბანნი;
ქალებს ექსოვოთ ფარდაგი,
ჭრელა-ჭრულაი ნოხები;
სალოცავს ხყავდეს ქადაგი,
საძოვარს ცხვარი ძროხები;
ცხოვრება მიჰქრის ტიალი,
გაჭენებული ცხენივით;
ადათთა ორომტრიალი,
წარსულს ეცემა ბერივით;
კიდევაც ვნახავ ხევსურეთს,
კიდეც ვილოცებ გუდანს;
მთაში დარჩენილ ხევსურებს,
არდავიწყება უნდა!!!
_______________

ღმერთო ძლიერო,
შენ დაიფარე,
ყველა ეული
მათი სულები

შენ შეიწყალე
სამოთხის კართან.
მუხლ მოდრეკილი
მე შენს წინაშე,

ვდგავარ სნეული
და გევედრები
ნუ მიატოვებ,
ამ ტანჯულ ხალხსა.

ხალხი უშენოდ,
ვეღარ იცოცხლებს,
გთხოვ ნუ გასწირავ
უმწეო ხალხსა.

ძეო ღვთისაო!
შენ მაცხოვარო!
გადმოაფარე დღეს
ჩვენს ქვეყანას

მფარველი კალთა
და ნუ დაუთმობ,
დღეს საქართველოს,
საჯიჯგნად სვავთა.