I paisoli d'orezza

I PAISOLI D'OREZZA

Tu chi da lu to castellu
Vedi orizonti luntani
Aprendu lu to purtellu
Scobri Orezza e Ampugnani
E casi di u Surbellu
L'hai a purtata di mani

Se tu guerdi a manu manca
Vedi Croce d'Ampugniani
Ce Casalta e Casabianca
U Silvarecciu a cantu a Pianu
In cima di l'altra Branca
Olmi,Scata e San Damianu

Suppranici u cantone
U luntanu e u viccinu
De Piedicroce a Stazzone
Brusticu e Piedipartinu
Casa in fondu di Cherchetu
Pied'Orezza e Carpinetu

Di punta,a tiru d'acellu
Ben esposttu,in pienu sole
Granghjola e u so castellu
Ce Moaniccia e Piazzole
Valle,Rapaghju e Parata
So piatti inde a so burgata

Bellu nidu di virdura
Paisoli furtunati
Ce silenziu e aria pura
L'usi so pocu cambiati
Si vive nu i nostri antenati

Ti pregu salute e forza
Per mentene sta surghjente
Quella di l'Anima Corsa
Cusi prufondu e putente
Ch'ella u'n cedi a nisu'n scossa
Sempre fiera e sempre ardente