L'ULTIMA TIRATA DAL PANIERE TE VOGLIO SI' E TENGO 'O LIETTO E' SPOSA! Pietro ZURLO

L'ULTIMA TIRATA DAL PANIERE
TE VOGLIO SI' E TENGO 'O LIETTO E' SPOSA!
Pietro ZURLO
***
Tenevo na passione rinto a 'o core...
na casarella co no lietto e' sposa;
nu ciardeniello e 'e sische a ttutte ll'ore,
e mme diciste oini cca nun è ccosa...
e mme lassaste oinè assaje culleruso...
vulive sta in città chIù deliziuso.
***
Ma Abbrile passa e vvene n'atu mese...
nu mese quanno sciureno li rrose;
passaje na nenna bella e assaje scurnosa
ca mme dicette oinì, damme na rosa.
***
Io lle dicette: viene e pigliatella...
e sse cugliete a' meglio, a' cchiù bellella.
Se l'appuntaje 'mpietto, e 'ncoppo a 'o core
e suspirava 'a nenna ammore, ammore!.
***
Oie nenna lle dicette, si 'a patrona...
quanno 'o gulìo te vene viene ccà;
l'ammore passa e chi nun se ne addona
resta zetella e ppo nisciuno a' vò!
***
Essa capette a posta e mme dicette:
oinì, sì ssulo int'a sta casarella?
Me piace tanto ch'é assaje bbellella...
vulesse rummanè ma tu me vuò?
***
Oie nenna ca sì a' meglio e' tutt'e rrose...
te voglio sì...e tengo 'o lietto e' sposa!
Musica
Rusella e maggio
suonata con mandolini dal Quartetto Napoletano

Creative video
annare53