'మంచు'లో బతుకమ్మ ఆడాలని ఉందా? - ఎక్కడికో అవసరం లేదు - మన కొండాపూర్​ వచ్చేయండి

Bathukamma Celebrations In Snow : తెలంగాణ సంస్కృతి, సంప్రదాయాలకు ప్రతీకగా నిలిచే బతుకమ్మ సంబురాలు రాష్ట్రవ్యాప్తంగా ఘనంగా జరుగుతున్నాయి. మహిళలు, యువతులు అందమైన బతుకమ్మలను పేర్చి చుట్టూ చేరి బతుకమ్మ పాటలకు నృత్యాలు చేస్తూ ఆనందోత్సాహాల మధ్య వేడుకలు నిర్వహించుకుంటున్నారు. హైదరాబాద్​లోనూ బతుకమ్మ సంబురాలు అంబరాన్నంటుతున్నాయి. శుక్రవారం కొండాపూర్​లో జరిగిన బతుకమ్మ వేడుకలు ప్రత్యేకంగా నిలిచాయి. స్థానిక ఏఎమ్​ఆర్​ మాల్​లోని ఐదో ఫ్లోర్​లో ప్రత్యేకంగా మంచులో బతుకమ్మ దాండియా ఆడే విధంగా ఏర్పాటు చేసిన సెట్​ అందరినీ ఆకట్టుకుంది.