హైదరాబాద్​లో భారీవర్షం - అత్యవసరమైతే తప్ప బయటకు రావొద్దన్న మేయర్

Rains in Hyderabad : హైదరాబాద్​లోని పలు ప్రాంతాల్లో వర్షాలు కురుస్తున్నాయి. మియాపూర్, చందానగర్, లింగంపల్లి, కూకట్‌పల్లి, మూసాపేట, హైదర్‌నగర్‌, కేపీహెచ్‌బీ కాలనీ, బాచుపల్లి, ప్రగతినగర్‌, మల్కాజిగిరి, కుషాయిగూడ, దమ్మాయిపేట వర్షం కురిసింది. చర్లపల్లి, కీసర, నిజాంపేట, నేరేడ్‌మెట్‌, అమీర్‌పేట్‌, ఈఎస్ఐ, ఎర్రగడ్డ, సనత్‌నగర్‌, బోరబండ, పంజాగుట్ట, జూబ్లీహిల్స్‌లో మోస్తరు వర్షం కురుస్తోంది. నాంపల్లి, అబిడ్స్, కోఠి, బషీర్​బాగ్, నారాయణగూడ, హిమాయత్​నగర్ , ఖైరతాబాద్, లక్డికపూల్​లో వర్షం భారీగా పడుతోంది. మేడ్చల్, కృష్ణాపూర్, మల్లంపేట్, గండిమైసమ్మ, దుండిగల్​లో ప్రాంతాల్లోనూ మోస్తరు నుంచి భారీవాన పడింది.