જોશીમઠમાં તમામ પ્રોજેક્ટ અને બાંધકામ પર પ્રતિબંધ, CM પુષ્કર ધામીનું નિરીક્ષણ

પહાડી રાજ્ય ઉત્તરાખંડના ચમોલી જિલ્લાના જોશીમઠમાં મકાનોમાં પડેલી તિરાડોને જોતા અહીં તમામ પ્રકારના બાંધકામ પર પ્રતિબંધ લગાવી દેવામાં આવ્યો છે. જિલ્લા મેજિસ્ટ્રેટ હિમાંશુ ખુરાનાએ આ અંગે માહિતી આપી હતી. જોશીમઠમાં ભૂસ્ખલન અને મકાનોમાં તિરાડો પડવાને કારણે લોકો મૃત્યુના ઓથાર હેઠળ જીવી રહ્યા છે. મુખ્યમંત્રી પુષ્કર સિંહ ધામી પોતે શનિવારે અહીં પહોંચ્યા હતા.