टार्गेट-२०२१: भूतकाळ विसरून नव्या दमाने तयारीला लागणार : सायली वाघमारे | Sports | Sakal Media

नागपूर : कोरोनामुळे वर्ष वाया गेल्यानंतर पुढील वर्षांत काहीतरी आशादायी चित्र पाहायला मिळेल, अशी अपेक्षा क्रीडापटू बाळगून आहेत. सरत्या वर्षाचा अनुभव आणि आगामी वर्षांतील लक्ष्य काय असेल, लक्ष्य गाठताना येणाऱ्या संभाव्य अडचणी, हे खेळाडूंच्याच शब्दांत ‘टार्गेट-२०२१‘ मधून मांडण्याचा हा प्रयत्न.
कोरोनाचं संकट येईल, अशी स्वप्नातही कुणी कल्पना केली नव्हती. मात्र या अनपेक्षित संकटाला सारेच धैर्याने तोंड देत आहेत. खेळाडूही त्याला अपवाद ठरले नाहीत. कोरोनाचा खेळाडूंना सर्वाधिक फटका बसला असला तरी, खूप काही शिकायलादेखील मिळाले. 'जान हैं तो जहाँन हैं' या मंत्रावर विश्वास ठेवत मी भूतकाळ विसरून नव्या दमाने तयारीला लागणार असल्याचे मत, राष्ट्रीय पदकविजेती धावपटू सायली वाघमारेने व्यक्त केले. तसेच ‘स्पर्धेच्या माध्यमातूनच खेळाडूला त्याच्यातील खऱ्या उणिवा कळत असतात. त्यावर मेहनत घेता येऊ शकते. झालेले नुकसान भरून निघणार नाही. पण थांबूही शकत नाही. स्वप्न पूर्ण करायचे असेल तर निगेटिव्हिटी बाजूला सारून भविष्याचा विचार करणे गरजेचे आहे. त्या दिशेनेच सध्या माझी तयारी सुरू आहे असेही सायलीने सांगितले आहे.
Sakal Media Group is the largest independently owned Media Business in Maharashtra, India. Headquartered in Pune, Sakal operations span across newspapers, TV (SAAM TV), magazines, Internet, and Mobile. With a heritage of over 82 years Sakal Media Group Publishes the number 1 Marathi Newspaper in Maharashtra and also owns and operates its TV channel named SAAM TV.