Dr._Rahat_Indori_-_Jitne_apne_the_sab_paraaye_the(480p)

follow my channel and like this videos.
share this video.


Jitne apne the sab paraaye the
Hum hawa ko gale lagaaye the

Jitni kasme thi sab thi sharminda
Jitne vaade the sar jhukaaye the

Jitne aansu the sab the begaane
Jitne mehmaan the bin bulaye the

Sab kitaabein padhi-padhai thi
Saare kisse sune-sunaaye the

Ek banjar zameen ke seene mein
Maine kuch aasmaan ugaaye the

Sirf do ghoont pyaas ki khaatir
Umr bhar dhoop mein nahaaye the

Haashiye par khade hue hain hum
Humne khud haashiye banaaye the

Main akela udaas baitha tha
Shaam ne kehkahe lagaaye the

Hai galat usko bewafa kehna
Hum kahaan ke dhule-dhulaaye the

Aaj kaanto bhara mukaddar hai
Humne gul bhi bahut khilaaye the

Thanks for watching.