Rama: Kostoja e rindërtimit nga tërmeti, 1 miliard Euro
- 4 years ago
Kostoja e përafërta për programin e rindërtimit pas tërmetit të 26 Nëntorit llogaritet të jetë 1 miliard Euro. Shifra përfundimtare pritet të bëhet publike brenda këtij muaji, por Kryeministri Rama mendon se vetëm me ndihmën e miqve dhe partnerëve ndërkombëtar mund ta përballojnë rindërtimin e të gjithë zonave të prekura.
Dhe një nga këta miq është dhe Italia fqinje. Përpara konferencës së donatorëve që do të mbahet më 17 Shkurt në Bruksel, nën kujdesin e Presidentes së Komisionit Europian, Ursula Von Der Leyen, Kryeministri Rama vizitoi sërish brenda një kohë të shkurtër Romën dhe ku ka marrë mbështetje maksimale nga Kryeministri Conte dhe ministri i Jashtëm Di Maio.
?I kam falenderuar natyrisht Kryeministrin Conte dhe ministrin e Jashtëm Di Maio për ndihmën e paçmuar të Italisë mike, qysh në orët e para pas tërmetit shkatërrues të 26 Nëntorit. I kam informuar për punën që kemi bërë me planet e rindërtimit si edhe me raportin e dëmeve, i cili pritet të përfundojë së shpejti në bashkëpunim me Bashkimin Europian dhe Kombet e Bashkuara. Shifra përfundimtare nuk ka dalë ende, por të dhënat e deritanishme na japin një shumë që rrotullohet rreth miliardit në Euro. Ne do të bëjmë çmos edhe me ndihmën e miqve të mëdhenj të Shqipërisë, ku Italia është ndër me të afërtit, qe Konferenca e Donatorëve të jetë një sukses, ndërkohë që e kemi shumë të qartë që për të përmbushur të gjithë nevojën nuk do të mjaftojë?.
Takimi i radhës përpara Konferencës së Donatoreve do të jetë me Kancelaren Merkel.
?Jam shumë mirënjohës dhe i inkurajuar nga vëmendja e veçantë dhe gadishmëria e plotë e autoriteteve më të larta italiane, ndërkohë që do të vijojmë me takimin me Kancelaren Merkel në fillimjavën e ardhshme e më të tutje edhe me disa kontakte të tjera të nivelit të lartë?.
Rama siguron se planet e rindërtimit po ecin sipas kalendarit të parashikuar dhe në Pranverë do të ketë nisur ngritja e shtëpive të para individuale që sipas tij do të përfundojnë brenda 2020.
Sa i takon rindërtimit të qyteteve pranon që do të duan më shumë kohë edhe pse thotë se janë brenda afateve, por ndërkohë qeveria do të vijojë të paguajë bonusin e qirasë deri në sistemimin në apartamentet e reja.
Sipas Kryeministrit, dhe procesi i rindërtimit të institucioneve arsimore dhe shëndetësore që u dëmtuan nga goditja sizmike është brenda afateve.
Tv Klan
Dhe një nga këta miq është dhe Italia fqinje. Përpara konferencës së donatorëve që do të mbahet më 17 Shkurt në Bruksel, nën kujdesin e Presidentes së Komisionit Europian, Ursula Von Der Leyen, Kryeministri Rama vizitoi sërish brenda një kohë të shkurtër Romën dhe ku ka marrë mbështetje maksimale nga Kryeministri Conte dhe ministri i Jashtëm Di Maio.
?I kam falenderuar natyrisht Kryeministrin Conte dhe ministrin e Jashtëm Di Maio për ndihmën e paçmuar të Italisë mike, qysh në orët e para pas tërmetit shkatërrues të 26 Nëntorit. I kam informuar për punën që kemi bërë me planet e rindërtimit si edhe me raportin e dëmeve, i cili pritet të përfundojë së shpejti në bashkëpunim me Bashkimin Europian dhe Kombet e Bashkuara. Shifra përfundimtare nuk ka dalë ende, por të dhënat e deritanishme na japin një shumë që rrotullohet rreth miliardit në Euro. Ne do të bëjmë çmos edhe me ndihmën e miqve të mëdhenj të Shqipërisë, ku Italia është ndër me të afërtit, qe Konferenca e Donatorëve të jetë një sukses, ndërkohë që e kemi shumë të qartë që për të përmbushur të gjithë nevojën nuk do të mjaftojë?.
Takimi i radhës përpara Konferencës së Donatoreve do të jetë me Kancelaren Merkel.
?Jam shumë mirënjohës dhe i inkurajuar nga vëmendja e veçantë dhe gadishmëria e plotë e autoriteteve më të larta italiane, ndërkohë që do të vijojmë me takimin me Kancelaren Merkel në fillimjavën e ardhshme e më të tutje edhe me disa kontakte të tjera të nivelit të lartë?.
Rama siguron se planet e rindërtimit po ecin sipas kalendarit të parashikuar dhe në Pranverë do të ketë nisur ngritja e shtëpive të para individuale që sipas tij do të përfundojnë brenda 2020.
Sa i takon rindërtimit të qyteteve pranon që do të duan më shumë kohë edhe pse thotë se janë brenda afateve, por ndërkohë qeveria do të vijojë të paguajë bonusin e qirasë deri në sistemimin në apartamentet e reja.
Sipas Kryeministrit, dhe procesi i rindërtimit të institucioneve arsimore dhe shëndetësore që u dëmtuan nga goditja sizmike është brenda afateve.
Tv Klan