બેરોજગાર યુવતીએ ઈચ્છામૃત્યુની માંગ કરી, કલેક્ટરે પોતાના સંઘર્ષની કહાની સંભળાવી

મધ્ય પ્રદેશના છત્તરપુરમાં આંગણવાડીકાર્યકર્તા તરીકે સિલેક્શન ના થતાં અરજદાર યુવતીએ હતાશ થઈને ઈચ્છામૃત્યુની માંગ કરી હતી કલેક્ટરના લોકસંવાદ કાર્યક્રમમાં જઈને તેણે આ આવેદન આપીને ભરતીમાં આચરાયેલા ભ્રષ્ટાચારની વાત કરી હતી કેશકલા નામની આ યુવતીએ રડતાં રડતાં પોતાની બેરોજગારીનો મુદ્દો પણ મૂક્યો હતો કલેક્ટર મોહિત બુંદસે પણ તેમના અનુભવ અને સૂઝબૂઝના કારણે ઈચ્છામૃત્યુની માગ કરનારી યુવતીને પોતાના સંઘર્ષની કહાની સંભળાવી હતી તેમણે આ યુવતીના સામે અનેક ઉદાહરણો મૂક્યાં હતાં જે સાંભળીને આ યુવતી પણ માની ગઈ હતી ને પોતાનું આવેદન પરત ખેંચ્યું હતું મોહિત બુંદસે જે રીતે આ યુવતીના જીવનમાં એક નવી આશાનો સંચાર કર્યો હતો તેનો વીડિયો પણ સોશિયલ મીડિયામાં વાઈરલ થયો હતો
કલેક્ટરે યુવતીને કહ્યું હતું કે તેમના પિતા પણ બાળપણમાં જ ગુજરી ગયા હતા તેમની માતાએ મજૂરી કરીને બધા સંતાનોને ભણાવ્યા હતા જો તે સમયે તેમની માતાએ પણ આવું જ વિચાર્યું હોત તો આજે હું આઈએએસ ના બની શક્યો હોત જે કોઈ પણ સંઘર્ષ કરે છે તેને અવશ્ય સારું ફળ મળે છે