సినిమాల్లో నటించి నిజాయితీగా డబ్బు సంపాదించా : రోజా

YSR Congress Party Nagari MLA Roja lashed out at TDP leader and MLC Gali Muddukrishnama Naidu for allegations on her.

టిడిపి నేత, శాసన మండలి సభ్యుడు గాలి ముద్దుకృష్ణమ నాయుడుపై నగరి ఎమ్మెల్యే రోజా సోమవారం పుత్తూరులో నిప్పులు చెరిగారు. గాలి మతిభ్రమించి మాట్లాడుతున్నారని ద్వజమెత్తారు. మాజీ కలెక్టర్ సిద్ధార్థ జైన్‌తో కలిసి హంద్రీనీవా ప్రాజెక్టు అలైన్‌మెంట్ మార్చానని గాలి ఆరోపణలు చేయడం విడ్డూరమన్నారు. ఆధారాలను బహిర్గతం చేయాలని డిమాండ్ చేశారు. లేదంటే ఆయనపై పరువు నష్టం దావా వేస్తానని హెచ్చరించారు. ఇటీవల ఆయన మాట్లాడుతూ తన నిజాయితీ గురించి అసెంబ్లీ రికార్డులు పరిశీలించాలని చెప్పారని, కానీ రికార్డుల్లో ప్రజా సమస్యలపై మాట్లాడిన విషయాలు తప్ప నీతి నిజాయితీలు ఉండవని ఎద్దేవా చేశారు.