يا رموشك المواني يا عيونك البحور ... El Sheikh EMAM

كلمات الشاعر المصري زكي عمر
*****
يا رموشك المواني يا عيونك البحور
يا صدرك الغيطاني يا خدودك الحرير
يا جبينك الهلالي يا شعرك الليالي
ان كنت نخل عالي أكون شجر الكافور
ان طالت يوم فى بالي انت البحر الكبير
***
رسّيني يا حبيبتي انا بالي مش طويل
فى البحر انت سفينتي عالبر انت الدليل
دليني ع المسالك واحميني م المهالك
يا عيني اه يا ليلي يا حملك الثقيل
والعشق لو كذلك الصبر مش جميل
ابدا
***
حبيتي يا جميلة يا عود الزيزبان
الشيلة لو ثقيلة نقسمها بالحنان
والحب يبقى بيتنا والضحكة تبقى غيطنا
والشمس لو فاتتنا هنجيبها عالحصان
ونغني اغنيتنا المجد للانسان
المجد للانسان