كلمات الشاعر زين العابدين فؤاد لحن الشيخ امام غناء الفنانة التونسية آمال مثلوثي ****** الفلاحين بيغيروا الكتان بالكاكي و يغيرو الكاكي بتوب الدم و بيزرعوك يا قطن و يا السناكي و بيزرعوك يا قمح سارية علم و بيدخلوكي يا حرب فحم الحريقة و بيزرعوكي يا مصر شمس الحقيقة
إنت ميدان الحرب .. سينا البداية إنت جنينة الصلب .. للنصر راية إنت البكا و الغلب .. إنت الرحاية إنت البارود و الحب .. الحرب جاية
غنوا التلامذة الصبح للحرية الفلاحين ضموا غيطان القمح رفعوا الرايات بالفجر متندية رفعوا السنابل بنادق عبوا البنادق بارود و الرملة قادت حرايق و النار في دم الجنود و الحرب زي جناين الحرية مُهرة و مالهاش حدود و الحرب لسة في أول السكة
إتفجري يا مصر إتفجري بالحرب ينطلق النهار إتفجري بالحرب ضد الجوع وضد القهر .. ضد التتار !
و إتسلحي للحرب للحرية و إتفتحي وردة بدم و نار وإتجمعي من ألف صرخة و ضحكة و الحرب لسة في أول السكة.