Report TV - Ekonomi: Numri i turistëve të huaj të ardhur nga porti i Durrësit rritje 34%

Numri i turistëve të huaj që kanë ardhur këtë vit nga porti i Durrësit është rritur me 34% më shumë, referuar të njëjtës periudhë të vitit të kaluar. Nga porti i Durrësit Ministrja e Ekonomisë Milva Ekonomi, ka deklaruar se industria e turizmit do të zhvillohet më tej falë programit të qeverisë me bankën botërore për promovimin e resurseve të Shqipërisë së jugut.

Drejtori i Autoritetit Portual Gazmend Shalsi ka bërë të ditur se gjatë periudhës që përkon me sezonin turistik është rritur edhe ardhja e jahteve turistike dhe kroçierave të huaja.

Gjatë periudhës tre mujore qershor korrik 2016 në portin e Durrësit kanë hyrë 136 380 shtetas shqiptarë dhe 73 mijë të huaj, ndërkohë që kanë udhëtuar nga ky port drejt porteve italiane 120 632 shtetas shqiptarë e 74 521 shtetas të huaj.