اب کے ہم بچھڑے تو شاید کبھی خوابوں میں ملیں - احمد فراز

اب کے ہم بچھڑے تو شاید کبھی خوابوں میں ملیں
جس طرح سوکھے ہوئے پھول کتابوں میں ملیں

ڈھونڈ اُجڑے ہوئے لوگوں میں وفا کے موتی
یہ خزانے تجھے ممکن ہے خرابوں میں ملیں

غمِ دنیا بھی غمِ یار میں شامل کر لو
نشہ بڑھتا ہے شرابیں جو شرابوں میں ملیں

تُو خدا ہے نہ مرا عشق فرشتوں جیسا!
دونوں انساں ہیں تو کیوں اتنے حجابوں میں ملیں

آج ہم دار پہ کھینچے گئے جن باتوں پر
کیا عجب کل وہ زمانے کو نصابوں میں ملیں

اب نہ وہ میں نہ وہ تُو ہےنہ وہ ماضی ہے فرازؔ
جیسے دو شخص تمنّا کے سرابوں میں ملیں


Ab K Ham Bichray To Shayad Kabhi Khwaaboun Main Milain
Jis Tarah Sookhay Huay Phool Kitaboun Main Milain

Dhoondh Ujray Huay Logoun Main Wafa K Moti
Yeh Khazanay Tujhay Mumkin Hay Kharaboun Main Milain

Gham-e-Dunya Bhi Gham-e-Yaar Main Shaamil Kar Lou
Nasha Barhta Hay Sharabain Jo Sharaboun Main Milain

Tou Khuda Hay Nah Mera ishq Farishtoun Jaisa!
Donoun insaan Hain To Kuin Itnay Hijaboun Main Milain

Aaaj Ham Daar Pah Kheenchay Gaye Jin Baatoun Par
Kaya Ajab Kal Woh Zamanay Ko Nisaaboun Main Milain

Ab Nah Woh Main Nah Woh Tou Hay Nah Woh Maazi Hay Faraz
Jaisay Woh Shakhs Tamanna K Saraboun Main Milain

Facebook Page: https://www.facebook.com/AhmadFaraz99