Cüregingde Asıra meni - LEMAN J KOÇ

ДЖЮРЕГИНГДЕ АСЫРА МЕНИ

Сени ол мийик тауларынгда туумадым
Ичмедим мен Къобан сууларынгдан
Адамла кёрмеген джерине болур му тансыкъ?
Мен тансыкъма туугъаллы санга,
Энди ызына къайтмазлыкъ атама тансыкъ болганча

Сюрюлмедим джуртумдан мен урулмадым
Къууулмадым элимден мен тутулмадым
Айырылмадым анамдан юзюлмедим а, йа!
Мен нек джылайма, эшитсем, кёчкюнчюлюк джырлагъа

Джюрегимден юзюлюп тамырла къобгъанча
Юренмедим мен Элиф-Ба бла арапча окъургъа
Къайдан а билейим, тау тилни кириллде джазарга
Билдим; башха тилде джазылмайды, санга ыйнарла

Мен джылайма юч тилде сёзюмю анламагъан
Шам'да туууп ёсген къарнашым Кочхаргъа.
Не ата джуртумдама мен, не туугъан элимде
Ой, джашайма кёп тюрлю миллетлени ичинде

Спэниш, Чайниш, Инглиш / ала сёлешедиле хар тилде,
Окугъанма, алай а кёп джазгъанма Тюрк тилде
Биринден да ызы къалмайды ана тилимча, джюрегимде
Тамырым сендеди мени, къайда туусам, ёссемда

Ата Джуртумса сен, юзюлюп сенден кенге кетсемда
Чапрагъынъма сени мен, къурутмай ёстюргенме ичимде
Кёлюмю ташасында чырмала санга атамча кюйгенме
Джюрегингде асыра мени, сенден узакъда ёлсем да.

Кочхарланы Леман