من جديد: السفيرة الأمريكية تتحدث عن جيش مصر والرئاسة مش بترد

رغم ان النهاردة اجازة انما مصر شهدت مسيرات عمالية في شوارع القاهرة و عدد من المحافظات في احتفالات شعبية مبهجة ،قبل ما نبتدى اخبارنا عندنا سؤال
السفيرة الامريكية عاوزة ايه بالظبط امبارح كانت في ندوة نظمها نادي الروتاري و نقلت صحيفة (الوطن ) الخاصة في عدد اليوم عنها انها قالت
عودة الجيش للحكم ستكون كارثة غير مقبولة لواشنطن و حلفاء مصر الاخرين.. و قالت حاجات اخري كتيرة عن المعونة و المساعدة و خلافه
السؤال هنا للسيدة ان باترسون السفيرة الامريكية بالقاهرة
انتى مالك و مال الاوضاع الداخلية في مصر؟؟
انتى بتخدمي مين بتصريحاتك ؟؟ و بتهددي مين؟؟
و مين قال انك من حقك تبدي رايك بالفجاجة دي في امور تخص الشان المصري الداخلي و تخص الشعب المصري و ارادته
احنا لا ندافع عن تدخل الجيش و لا بنطلب منه العودة للحكم لان ده خارج دورنا كأعلاميين انما بنتسآل ازاي يوصل الامر بالسفيرة للمستوي ده و ازاي تمنح نفسها الحق ده ؟؟
و فوق ده كله فين وزارة الخارجية و فين رئاسة الجمهورية ؟؟ و لا ده مش من شأنهم
يا سادة في الرئاسة و في الخارجية لابد من الرد على هذا الكلام الذي لايجوز الصمت عليه

و كمان عندنا اخبار مهمة حنبتدي فيها مع حضراتكم على طول...
تابعونا على https://www.facebook.com/MenGadid