السادة المحترمون: باسم عودة عايز يأخون وزارة التموين علشان يتحكم في قوت المصريين

خلونا نبدأ معاكم الفقرة الثانية من الحلقة بالحديث عن الوزير الإخوانى باسم عودة ، بتاع ال3 أرغفة فى اليوم لكل مواطن واللى عامل زى حسن البرنس ممشى وراه مصور يصوره فى
أى مكان ويرفع صورة على الفيس بوك على أن الوزير شغال رغم أن الحقيقة مفيش أى حلول حقيقية لمشاكل العيش والبنزين والسولار وأنبوبة البوتاجاز اللى اترفع سعرها الضعف فى عهد الوزير الإخوانى دا بلو المواطن لقاها أساسا.
المهم المهندس مهيب عبد الستار، رئيس جهاز تنمية التجارة الداخلية بوزارة التموين، تقدم باستقالته لباسم عودة وزير التموين والتجارة الداخلية، وده اعتراضا منه علي أخونة القطاع ، من خلال العمل علي قيام جمعية "أبدا"، الخاصة بالمهندس حسن مالك القيادى الإخوانى ، بالسيطرة علي كل نشاط قطاع تنمية التجارة الداخلية، من خلال العمل علي توقيع بروتوكول تعاون معها.
المهندس عبد الستار قال أن جهاز تنمية التجارة الداخلية يتم توجيهه الآن لعمل إتفاقية تعاون بين الجهاز وجمعية "إبدأ والتى يرأسها حسن مالك، وأن هذه الاتفاقية واللى برفض تمريرها والتوقيع عليها، ستتيح للجمعية الهيمنة الشاملة والكاملة على كل خطط وسياسات وتوجهات جهاز تنمية التجارة الداخلية.
ده اللى بيعمله باسم عوده الإخونة ، وهو أخونة قطاعات الوزارة بجانب عمبل شراكة ما بين القطاعات دى مع حزب الحرية والعدالة والإخوان ورجال أعمال الإخوان ، طبعا الشراكة دى هتسمح للجماعة أنها تتحكم فى قوت المصريين وأنبوبة البوتاجاز ، وكل ده برعايه الوزير الفاشل باسم عودة.
تابعونا على صفحتنا http://www.facebook.com/alSadahalMo7taramon