من جديد: دعوى قضائية للمطالبة بمنع الشورى من إصدار التشريعات
بخصوص التشريعات والقوانين اللي بيناقشها وبيصدرها مجلس الشورى فكان زي ما حضراتكو عارفين ان مجلس الشورى كان مشكوك في صحته وكان من المفترض انه يتحل لأن تم انتخاب اعضاءه وفقا لنفس القانون اللي تم بناء عليه انتخاب اعضاء مجلس الشعب اللي تم حله لعدم دستورية قانون انتخابه .. وطبعا زي ما حضراتكو فكرين حصار المحكمة الدستور واللي منعها من اصدار حكم بكدا لحد ما تم الإستفتاء على الدستور الجديد وتضمينه مادة بتحصن المجلس من الحل .. وخلاص كتير ارتضى بأن مجلس الشورى يكمل وميتحلش بحجة انه بقى محصن بالدستور الجديد اللي تم الإستفتاء وموافقة الشعب عليه ... لكن السؤال اللي موجود دلوقتي هو اصلا مجلس الشورى له حق في اصدار القوانين واالتشريعات .. ولا السلطة التشريعية الممنوحة ليه المفروض انها مؤقته لحين انتخاب مجلس النواب والمفروض انه مينقش ولا يصدر أي قوانين إلا قانون الإنتخابات واللي زي ما حضراتكوعارفين كان فشل في اصداره لحد ما المحكمة ابطلت القانون ووقفت الانتخابات ... عموما عشان نفهم حقه ولا مش حقه ...خصوصا ان في دعوى قضائية امام مجلس الدولة بتطالب بمنع الشورى من اصدار التشريعات .. معنا محمد حامد سالم صاحب دعوة منع مجلس الشورى من إصدار التشريعات .. تابعونا على https://www.facebook.com/MenGadid