من جديد - أبو إسماعيل: أحداث الكاتدرائية مؤامرة ضد مرسي
طبعا موقف زي دا أكيد لازم يطل علينا الشيخ حازم ابو اسماعيل بتصريحاته الجميلة، بس زي ما حضراتكوا عارفين ان تصريحات الشيخ حازم بتبقا محتاجة شفره لفهمها علشان كدا هنحاول نبسطها على حضرتكوا يمكن نفهما .. الشيخ حازم صلاح أبو إسماعيل ، قال أن الهدف من أحداث الفتنة في مصر سواء في مدينة الخصوص بمحافظة القليوبية، واشتباكات الكاتدرائية المرقسية بالعباسية، ووقوع ضحايا بين مسيحيين ومسلمين، هدفها المؤامرة ضد الرئيس محمد مرسي، و قال كمان أبو إسماعيل خلال تدوينة نشرها على صفحته الرسمية على موقع التواصل الاجتماعي ''فيسبوك'': ''واضح جدا أن هذا التوالى للمؤامرات و الفتن خاصة مسألة النائب العام وأحداث العنف و غيرها يدعونا إلى إعلان ثورة جديدة كاملة تحسم بها كل الأمور و تستقر و تنسد بها أبواب الفتن و تنقمع بها الذئاب الكاملة تنتظر الإنقضاض، و توضع بها النظم الكافية لطهارة مؤسسات الدولة دون تربص أو وقوع فى التفسيرات الضيقة لنصوص قانونية لا تتسع لما تتطلع إليه الثورات من إصلاح حاسم، و لكل مخلص أن يظل على استعداده ورباطة دفعا للفتنة و منعا لضياع مكاسب مصر من وراء الثورة .. طبعا بعض النظر عن الكلام الكتير اللى احنا مش فاهمينه ، بس عايزين نعرف الثورة الجديدة اللي دعا ايلها الشيخ حازم هتكون امتي وضد مين وايه شواهد ودلائل المؤامرة اللي بيقول عليها ضد الرئيس .. معنا الدكتور عمار علي حسن الكاتب والباحث .