من جديد: حركة 6 إبريل .. وذكرى إنشائها
- 11 years ago
السلام والتحية على حضراتكو.. إنهارده الذكري الخامسة لأحداث6أبريل.. إنهارده مسيرات كتير خرجت فى القاهرة والمحافظات بعضها بيتهم النظام بالفشل وبيطالب بسقوطه ، وبعضها بيطالب بإقالة النائب العام وحكومة قنديل واتخاذ خطوات لتحقيق العدالة الاجتماعية وكمان رفض قرض صندوق النقد الدولي،..وبالرغم من كل المطالب دي هيظل المطلب الرئيس هو العدالة الاجتماعية، وعشان كده كل الحركات تقريباً قررت تحيي الذكري الخامسة فى مهد أحداث 6 أبريل وهي مدينة غزل المحلة.... إيه اللى طرأ على الحركة بعد مرور 5 سنوات ، وايه سر الانقسامات اللى شهدتها الحركة خلال تلك الفترة ، وايه اجندتها او خطة عملها في الايام الجاية .. ده اللى هنحاول نعرفه من ضيوفنا انهارده محمد إبراهيم عضو المكتب السياسي وعضو مؤسس بـحركة 6 أبريل، والاستاذ عمرو عز وكيل مؤسسي حزب 6 ابريل وايضا عضو مجلس أمناء التيار الشعبي.. أهلا بكم