وزير العدل: الحكم بعزل النائب العام لم يلقى رضا الرأي العام

من جديد ـ وزير العدل: الحكم الصادر بعزل النائب العام الحالي لم يلقى رضا الرأي العام
السلام والتحية على حضرتكوا اهلا بيكم معانا .... كالعادة السيد المستشار احمد مكي وزير العدل بيفاجئنا بتصريحاته من وقت للتاني ، لكن المرة دى تصريح معالي الوزير متعلق بالقضاء اللي هو كان وربما مازال رمز من رموز استقلاله .. معالي المستشار أحمد مكى، وزير العدل، قال في كلمته النهارده في الاجتماع الخاص بقانون الوساطة، أن الحكم الصادر بعزل المستشار طلعت إبراهيم، النائب العام، زيه زي الأحكام القضائية اللي صدرت ولم تلق رضا لدى الرأى العام، وبيختلف عليها الكثير، زي أحكام حل مجلس الشعب ووقف الانتخابات ومجزرة بور سعيد.... باعتبار ان كل دى احكام مبترضيش الرأي العام ...
السؤال دلوقتي : يا وزير العدل : هو المحاكم بتصدر أحكامها لإرضاء الرأى العام ولا لإرساء دولة القانون .. وبعدين باي صفة تتكلم حضرتك بأسم الرأي العام، الا اذا كنت طبعاً تقصد الرأي العام الإخواني ، ولو تقصد كدا : هو حضرتك خلاص بقيت بتمثل الرأي العام الاخواني وبتتحدث باسمه... يا سيادة المستشار ، هو حضرتك محتاج حد يفهمك ان القاضى مش بيالف من عنده ، القاضى بيحكم بالقانون والدستور و الحيثيات، ومالوش دعوه بالراى العام .... يا سيادة المستشار الجليل : القاضى بيحكم بضميره و بالقانون لو عندك اعتراض شخصى على الحكم قدم مذكره بحيثياتك ... يا قاضي الاستقلال : لما نسمع ان حضرتك بتتلكم عن شعبية الحكم .. يبقا احنا عامة الشعب نعمل ايه ؟ ... ما عهدناك هكذا يا سيادة الوزير .. قصدي يا سيادة القاضي ؟