والدة محمد الجندي ترد على اتهامات إبنها .. في من جديد
- 11 years ago
من جديد أهلا بيكو.. خلاص مابقناش نسمع من المسؤولين ورئيس الوزراء نفسه عن المظاهرات ومطالب المتظاهرين غير كلمة "البلطجية والبلطجة والمأجورين والعنف" وأًصبحت المظاهرات علي لسان السادة المسؤولين والوزراء مجرد أعمال شغب بتقودها البلطجية وأطفال الشوارع "رغم أنهم برضو مصريين وهم نتاج أعمال الحكومات المتعاقبة لكن مش مشكلة مع إنها مشكلة كبيرة لازم لها حل" بس المهم.. مابقناش نسمع من الحكومة غير كلمة البلطجية .. وبعدين نكتشف إن اللى قبضوا عليهم مش أطفال شوارع .. لا دولا شباب من الطبقة الوسطي اللى متعلمين كويس وبيشتغلوا فى وظائف محترمة ومش محتاجين حاجة من الدولة غير إنها تكون بلد محترمة .. بلد تدي كل المصريين حقهم.. ده مثال للي حصل مع الناشط محمد الجندي عضو التيار الشعبي اللى أختفي يوم 28 يناير وظهر بالصدفة لما والده أطلق استغاثة تليفزيونية عن غياب أبنه. ويكتشف إن إبنه اللى بيشتغل مرشد سياحي محجوز فى مستشفي الهلال برمسيس بين الحياة والموت.. ده ليه ؟ عشان محمد كان مشارك فى الذكري الثانية لجمعة الغضب زى ألاف من شباب الثورة اللى بيخرجوا فى مسيرات ومظاهرات سلمية تطالب بتحقيق مطالب الثورة.. قصة محمد وايه اللي حصله هنحاول نفهمه من والدته ومن حسام عقرب عضو المكتب التنفيذي بالتيار الشعبي .. اهلا بيكو..