أحمد الجيزاوي ناشط سياسي ومحامي حقوقي ومدافع شرس عن حقوق المصريين في السعودية.. لأ احمد الجيزاوي محامي ملتوي وليه سوابق وكان عميل لامن الدولة.. احمدالجيزاوي متهم بالعيب في الذات الملكية.. لأ خالص احمد الجيزاوي اتقبض عليه في المطار بتهمة حيازة اقراص مخدرة.. اتقبض عليه عند الجوازات لأ اتقبض عليه في الجمارك.. كان معاه 180 الف قرص ترامادول في علب لبن اطفال.. لأ دول 21380 قرص زاناكس في علب لبن اطفال.. لأ دول طلعوا علب لبن جهينة.. احمد اعترف بانهم كانوا معاه وهو مش داريان وكان مجرد موصلاتي حسب تصريحات القنصل المصري لبرنامج مصر الجديدة.. لأ القنصل المصري لم يدل باي تصريحات لاي مؤسسة صحفية او اعلامية، حسب تكديب وزارة الخارجية المصرية.. دة احمد اعترف بانه اشتراهم وكان ناوي يبيعهم وكشف عن شبكة لتهريب المخدرات.. احمد بيتعرض للتعذيب.. لأ مافيش تعذيب ولا حاجة لكن بيتعرض لضغوط أمنية... آدي معظم المعلومات المتاحة بالنسبة لنا وكلها ضد بعضها ومعظمها وفقا لجهات رسمية وشخصيات مسؤولة مصرية وسعودية.. فين الحقيقة ايا كانت وهنعرفها ازاي وايه احتمالات انها تظهر اصلا ؟!

شهندة فتحي

محمد الماطي: رئيس لجنة الحريات في نقابة المحامين