بلدنا بالمصري: الأمن قتلوا أحمد وحيد بالشوم والمواسير

يسعد مساكم وحلقة جديدة من بلدنا بالمصري.. يعز علينا جدا نبدأها بخبر وفاة الطالب أحمد وحيد، الطالب في سنة تالتة في الاكاديمية الدولية للهندسة وعلوم الاعلام، ومقرها هنا جوة مدينة الانتاج الاعلامي.. يوم الحد اللي فات أحمد كان بيحاول يحوش ويحجز في خناقة ماكانش طرف فيها اصلا بين عدد من طلبة الاكاديمية وافراد من أمن مدينة الانتاج الاعلامي، فما نابه غير اصابة خطيرة بعد الاعتداء عليه بالشوم والمواسير من عدد من افراد الامن حسب رواية شهود العيان من الطلبة في مداخلة مع بلدنا بالمصري في نفس اليوم بعد نقل احمد للمستشفى واعتصام الطلبة قدام الاكاديمية.. مات احمد النهاردة وزود علينا المواجع وحرقة القلب على زينة الشباب اللي رايح هدر