بلدنا: دعوات لوقفات رافضة لتركيبة الجمعية التأسيسية

قرار النص بالنص فيما يخص نسب المشاركة في الجمعية التأسيسية بين البرلمانيين وبقية المواطنين من غير البرلمانيين، لسة موقف الدنيا على الرجل.. النهاردة بدأت أول دعوة حزبية لمقاطعة أعمال الجمعية التأسيسية خرجت من حزب التجمع وان كانت لسة مالهاش صدى حقيقي وردود الأفعال من أحزاب التيار المدني في البرلمان ما بين رفض المقاطعة والتاكيد على المشاركة في أعمال اللجنة بالرغممن الاعتراض على النسبة وده موقف أحزاب الوسط والوفد والمصريين الاحرار.. أما الموقف التاني فهو الموقف اللي لسة متحسمش ومرهون بتجميع أحزاب التيار المدني على موقف المقاطعة والا انتفى الغرض منها وفقدت معناها وقدرتها على الضغط، ودة موقف حزب الكرامة.

لكن الدعوات اللي ليها صدى وقدر كبير من الاستجابة المبدئية هي الدعوات لوقفات احتجاجية يوم السبت اللي جي وبعده في أماكن مختلفة لرفض تركيبة الجمعية التاسيسية بالنسب ديه.